Məkan təsviri
Sağlam qidalanma konseptindən ruhlanaraq, Green House Kitchen təravətli meyvə və restoranın bağından dərilmiş göyərtilər ilə zəngin olan Aralıq dənizi mətbəxinin orqanik reseptlərini təqdim edir. Bənzərsiz dad qarışıqlıqlarının çoxşaxəli seçimləri ilə yanaşı, qonaqlar müxtəlif spirtli və spirtsiz içkilərdən də həzz ala bilərlər. 450-dək ziyarətçini qəbul etmək imkanında olan restoran qonaqlar üçün açıq mətbəxə malikdir.
Açıq mətbəx ərazisində xüsusi bitkilər və tərəvəzlərin əkildiyi canlı guşə və Aralıq dənizi mətbəxinin nümunələrinin təklif edildiyi salat guşəsi, kömürlü qril və odunla işləyən təndir restorana xüsusi gözəllik verir. Açıq havadakı və müxtəlif bitkilərlə bəzədilmiş geniş terras Xəzər Dənizinə açılan mənzərə ilə şəhər daxilində rezort hissi yaradır. Restoranın interyeri təbiətin gözəlliyini ehtiva etməklə “Baku White City” ərazisinin Xəzər dənizi sahilində yerləşən ekoloji baxımdan təmiz və ən cazibədar əraziyə çevrilməsi tarixini təcəssüm etdirir.
Mehriban və rahat atmosfer Green House Kitchen-ı dostlar və ya iş yoldaşlarıyla görüşmək, bir içəcəkdən həzz almaq və yüngül nahar üçün mükəmməl bir yerə çevirir.
Facebook şərhlər ( şərh)
